Turmush — Ысык-Көл облусунун район-шаарларына 6 өрт өчүрүүчү унаа тапшырылды. Бул тууралуу ӨКМдин облустагы башкармалыгынан билдиришти.

Унаалар Балыкчы, Каракол шаарларына, Тоң, Жети-Өгүз, Ак-Суу, Түп райондоруна берилди.

«Буга чейин акыркы жолу 2009-жылы «ЗИЛ» үлгүсүндөгү өрт өчүрүүчү автоунаалар берилген. Ал эми «КамАЗ» үлгүсүндөгү жаңы унаалар Россиядан 2021-жылы чыгарылган. «ЗИЛ» өрт өчүрүүчү унаасына 4 тонна суу батса, жаңы унаага 6 тонна суу жана көбүк суюктук батат. Ошондой эле өрт өчүрүүчүлөр үчүн табы күчтүү өрттөргө кийүүчү атайын формалар камтылган», — деп айтылат маалыматта.

Унаалардын ичинде куткаруу иштерине арналган шаймандар да бар.