Turmush — Бишкек—Ош унаа жолунда жол-транспорт кырсыгы катталып, эки адам каза болду.

Күбөлөр Тurmush басылмасына билдиргендей, кечээ, 28-апрелде саат 22:30дар чамасында «Дэу Нексия» үлгүсүндөгү эки унаа кагышкан. Анын кесепетинен айдоочу менен жүргүнчү оку болгон жерде көз жумду. Каза болгон жарандар Таш-Көмүр шаарынын Кызыл-Алма айылынын 1994-жылы жана 1995-жылы туулган (эркек балдар) тургундары болгон. Алар бүгүн акыркы сапарга узатылат.

Ошондой эле дагы бир айдоочу тез жардам унаасы менен Шамалды-Сай жалпы дарыгерлик практикалык борборуна жеткирилген. Дарыгер анын абалы орто оор экенин айтты.

«Кечээ түнкү саат 23:00 чамасында тез жардам унаасы 30 жаштагы эркек кишини алып келген. Ал баш мээси чайкалып, бети-башы жарылган абалда келген, ага кечиктирилгис жардам көрсөттүк. Азыркы тапта бейтаптын абалы орто оор», — деди оорукананын хирургия бөлүмүнүн башчысы Үсөн Алишов.

Жол кырсык боюнча Жалал-Абад облустук жол кыймылынын коопсуздугун камсыздоо бөлүмү маалымат бере элек.