Turmush — Бүгүн, 25-августта Токмок шаарына жакын жерде, Бишкек—Нарын—Торугарт унаа жолунда жол кырсыгы катталып, 2 киши жабыркады. Бул тууралуу аймактык кабарчыга күбөлөр билдиришти.

Чүй ОИИББ боюнча ЖКККБнын басма сөз кызматынын маалыматына караганда, болжол менен саат 17:30 чамасында Бишкек—Нарын—Торугарт жолунун 73,500-чакырымында «ВАЗ 2105» үлгүсүндөгү унаа күн чыгыштан күн батышты көздөй бара жатканда «Sinotruk Howo» үлгүсүндөгү унаа менен кагышкан. Жүк ташуучу унаа жолдун сол жагынан чыга калган.

Жол кырсыктын кесепетинен «ВАЗ 2105» унаасынын 1989-жылы туулган айдоочусу Н.Т.Т. жана 1966-жылы туулган жүргүнчүсү И.Д.Б. Токмок шаарындагы ооруканага кайрылышкан.