Turmush — Жалал-Абад облусунун Таш-Көмүр шаарында 6 жаштагы бала изделип жатат. Бул тууралуу ӨКМдин басма сөз кызматы билдирди.

Маалыматка караганда, Кызыл-Алма айылынын Акшаар участогунда 23-апрель күнү саат 18:50 чамасында Нарын дарыясына 2018-жылы туулган Н.Н. агып кеткендиги тууралуу маалымат түшкөн. 23-24-апрель күндөрү издөө иштери жүргүзүлгөндүгүнө карабастан, натыйжа болгон эмес.

Бүгүн, 25-апрелде издөө иштерине Тоо кырсыгынан куткаруу кызматынын Таш-Көмүр шаарында жайгашкан №6 өзүнчө мобилдик тоо кырсыгынан куткаруу взводунан 5 куткаруучу, №2 өзүнчө издөө куткаруу отрядынан 3 суучул, 12 куткаруучу, ШИИБден 9 кызматкер, жоголгон баланын жакындарынан 45 жаран тартылды. Алар Нарын дарыясында кайык менен жана жөө издөө жүргүзүп жатат.