Turmush — Чүй облусунун Кара-Балта шаарында жааган жамгыр мөндүргө айланды.

Шаар тургундары билдиргендей, 2024-жылдын 24-апрелинде саат 13:30 чамасында Кара-Балта шаарында катуу жаан жаап, күн күркүрөп, ал чагылган менен коштолду. Ошондой эле мөндүр жаай баштаган.

Кыргызгидрометтин маалыматы боюнча, 24-апрелде түнкүсүн Ысык-Көл облусунун көпчүлүк аймагында, Чүй, Ош, Жалал-Абад, Нарын облустарынын айрым аймагында жаан, бийик тоолордо кар жаашы мүмкүн.

Күндүз Чүй, Талас, Ысык-Көл, Нарын облустарынын көпчүлүк райондорунда, Баткен облусунун айрым аймактарында, Ош, Жалал-Абад облустарынын тоо этектеринде жаан-чачын болот.

Абанын температурасы:

Чүй облусунда

түнкүсүн +8…+13

күндүз +19…+24