Turmush — Ош облусунун аймагында жер көчкү, сел, суу ташкындары, таш кулоо коркунучу жаралган 304 кооптуу аймак бар.

Бул аймактар ӨКМге караштуу Мониторинг жүргүзүү, божомолдоо департаменти тарабынан аныкталган.

— Алай району боюнча — 77;

— Араван району боюнча — 4;

— Кара-Суу району боюнча — 27;

— Кара-Кулжа району боюнча — 79;

— Өзгөн району боюнча — 117 жер көчкү кооптуулугу жаралган тилке бар.

Учурда Ош облусунун аймагында кооптуу аймактарда жашап, көчүрүлүүгө тийиш болгон 2396 үй-бүлө бар. Аталган үй-бүлөлөрдө 9978 жаран жашайт.

Райондор боюнча:

— Алай району — 355 үй-бүлө (1652 жаран);

— Араван району — 4 үй-бүлө (18 жаран);

— Кара-Суу району — 37 үй-бүлө (193 жаран);

— Кара-Кулжа району — 403 үй-бүлө (2010 жаран);

— Өзгөн району — 1597 үй-бүлө (6105 жаран).

Облус боюнча мамлекет тарабынан жардам (ссуда) жана жер тилкелерин албай, учурда кооптуу аймактарда көчпөй жашап жаткан 924 үй-бүлө бар.

Райондор боюнча:

— Алай району — 111 үй-бүлө;

— Араван району — 1 үй-бүлө;

— Кара-Суу району — 3 үй-бүлө;

— Кара-Кулжа району — 102 үй-бүлө;

— Өзгөн району — 707 үй-бүлө.

Ал эми облус боюнча мамлекет тарабынан жардам (ссуда) жана жер тилкелерин алып, көчпөй жашап жаткан 1472 үй-бүлө бар.

Райондор боюнча:

— Алай району — 244 үй-бүлө;

— Араван району — 3 үй-бүлө;

— Кара-Суу району — 34 үй-бүлө;

— Кара-Кулжа району — 301 үй-бүлө;

— Өзгөн району — 890 үй-бүлө бар.

Жогоруда аталган жалпы 2396 үй-бүлөгө ӨКМ тарабынан 2023-жыл ичинде кооптуу аймактан көчүп чыгуу боюнча 1959 экертме баракчалары таратылган. Ал эми райондук жарандык коргонуу кызматтары тарабынан 437 эскертме баракчалары берилген.