Turmush — Милициянын полковниги Санжарбек Абышев Жалал-Абад облусунун Кара-Көл шаардык ички иштер бөлүмүнүн башчысы болуп дайындалды.

Жалал-Абад облустук ички иштер башкармалыгынын басма сөз кызматынын маалыматы боюнча, ички иштер министринин орун басары, милициянын генерал-майору Октябрь Урмамбетов жаңы жетекчини Жалал-Абад ОИИБдин борбордук аппаратынын өздүк курамына тааныштырды.

Кара-Көл ШИИБдин мурдагы башчысы, милициянын полковниги Эрнист Молдокеев Кыргыз Республикасынын укук коргоо органдарында кызмат өтөө жөнүндө мыйзамына ылайык, жаш курагы боюнча ардактуу эс алууга узатылды. Эрнист Молдокеев ички иштер органдарында 35 жылдан ашуун кызмат өтөдү.