Turmush — Токтогул районуна караштуу Кетмен-Дөбө айыл аймагында быйыл 3 сейил бак пайдаланууга берилет. Бул тууралуу аталган айыл аймактан кабарлашты.

Маалыматка караганда, Терек-Суу айылындагы сейил бактын жалпы аянты 70 сотых жерди түзөт. Андагы бактын айланасы тосулуп, таштаман төшөлүп, олтургучтар коюлуп, түнкү чырактар орнотулган. Бул сейил бакты 9-май — Жеңиш күнүндө пайдаланууга берүү пландалууда. Ал жайга жалпы 250дөн ашуун туя, карагайдын көчөттөрү олтургузулган.

Мазар-Суу айылындагы сейил бактын жалпы аянты 75 сотых жерди түзөт. Айланасы тосмолонуп, көчөт олтургузулган.

Ал эми Чон-Арык айылында 60 сотых жерге сейил бак түзүлүп жатат.