Turmush — Лейлек районунда унаа айдап качууга шектелген 5 бала кармалды. Бул тууралуу Баткен ОИИБдин басма сөз кызматы билдирди.

Маалым болгондой, Лейлек районунун Раззаков шаарынын 68 жаштагы тургуну 20-мартка караган түнү үйүнүн алдына токтотуп койгон ВАЗ-2107 «Жигули» үлгүсүндөгү автоунаасын белгисиз жаран айдап качып кеткендигин билдирип, милицияга арыз менен кайрылган.

Бул факт Лейлек РИИБ тарабынан КБРге Кылмыш-жаза кодексинин 211-беренеси (автомототранспорт каражаттарын айдап качуу) менен катталып, сотко чейинки өндүрүш иши башталган.

Лейлек РИИБдин кылмыш иликтөө бөлүмүнүн ыкчам кызматкерлери тарабынан Сүлүктү шаарынын 15-16 жаштагы тургундары А.А, А.Э, Н.Б, С.Э, Ш.Б. Сүлүктү шаарынан кармалып, РИИБдин тергөө кызматына өткөрүлүп берилди.

Учурда тергөө иштери жүрүп жатат.