Turmush — Бишкек—Ош унаа жолунда эки унаанын катышуусунда кырсык катталып, айдоочу мүрт кетти. Бул тууралуу Turmush басылмасына окуянын күбөлөрү билдиришти.

Маалыматка караганда, кырсык бүгүн, 19-апрель күнү аталган унаа жолдун Сузак айыл аймагындагы тилкесинде орун алган.

«Биз Жалал-Абад шаарын көздөй бара жатканбыз. Саат 15:30 чамасында Сузак айылындагы тилкеде жол кырсыгы орун алыптыр. Анда оор жүк ташуучу унаа менен «Хонда ЦР-В” үлгүсүндөгү унаа сүзүшкөн. Натыйжада жеңил унаанын айдоочусу — 60-65 жаштагы эркек киши окуя болгон жерде көз жумуптур. Анын жанында жүргүнчү катары бара жаткан аял киши тез жардам кызматынын унаасы менен ооруканага жеткирилди», — дейт окуянын күбөсү.