Turmush — Кечээ, 22-апрель күнү Жалал-Абад шаарында сойкулук менен алектенген 6 кыз кармалды. Бул тууралуу бүгүн, 23-апрелде Жалал-Абад ОИИБден кабарлашты.

Маалыматка караганда, 18-апрель күнү Жалал-Абад шаарынын аймагында Б. аттуу адам сойкулук менен алектенип, көмүскө жайларды уюштуруп жаткандыгы тууралуу маалымат алынган. Аталган факты боюнча Жалал-Абад ШИИБ тарабынан Кылмыш-жаза кодексинин 160-беренеси (сойкулукка жана ыпластыкка көмөктөшүү) менен кылмыш иш козголгон. Жүргүзүлгөн ыкчам аракеттердин натыйжасында 22-апрель күнү кылмышка шектүү катары Жалал-Абад шаарынын Манас көчөсүндөгү көп кабаттуу үйлөрдүн биринде көмүскө жайын уюштуруп, сойкулук менен алектенген 6 адам кармалды.

Алар:

— Жалал-Абад шаарынын 47 жаштагы тургуну М.Ч.

— Жалал-Абад шаарынын 29 жаштагы тургуну С. кызы Ж.

— Ош облусунун 37 жаштагы тургуну Р. кызы А.

— Ош облусунун 35 жаштагы тургуну К. кызы Н.

— Ош облусунун 32 жаштагы тургуну жаштагы К.Н.

— Чүй облусунун 38 жаштагы тургуну М.А. экени такталды.

Учурда тергөө амалдары жүрүп жатат.

Задержанные

// УВД Жалал-Абадской области