Turmush — Ош облусунун Өзгөн районунда жаш баланы унаасы менен сүзүп, качып кеткен айдоочу кармалды. Бул тууралуу Ош облустук жол кыймылынын коопсуздугун камсыздоо бөлүмүнөн билдиришти.

Маалыматка караганда, 15-октябрь күнү саат 11:55 чамасында Өзгөн районунун тургуну — 2014-жылы туулган А.А.ны «Фольксваген Пассат» үлгүсүндөгү унаа сүзүп кеткен. Анын кесепетинен 9 жаштагы бара жаракат алып, Өзгөн райондук ооруканасына кайрылган.

Жүргүзүлгөн иш-чаралардын негизинде кылмыштын изи сууй электе шектүү — Жалал-Абад облусунун 1978-жылы туулган тургуну Б.Ж. унаасын айдап бара жаткан жерден кармалды.