Turmush — Кызыл-Кыя шаарында батирде бекилип калган балдар куткарылды. Бул тууралуу ӨКМдин басма сөз кызматы билдирди.

Маалыматка ылайык, куткаруучуларга кечээ, 19-апрелде түнкү саат 22:59да Кызыл-Кыя шаарындагы көп кабаттуу үйдүн батиринде жаш балдар бекилип калгандыгы тууралуу билдирүү түшкөн.

Батирде 3 жаштагы наристе жана 8 жаштагы жеткинчек — бир туугандар болгон.

Жерине саат 23:01де №62 өрткө каршы куткаруу бөлүгүнөн 2 өрт өчүрүүчү-куткаруучу атайын өрт өчүрүүчү унаасы менен чыгып, саат 23:12де балдарды аман-эсен жакындарына өткөрүп беришкен.

Балдардын абалы туруктуу. Жабыркагандар жок.