Turmush — 26-августта саат 16:10 чамасында Кочкор районунда нөшөрлөгөн жаандын кесепетинен сел жүрүп, Семиз-Бел айылынын Кара-Булуң жана Сары-Чат айдоо жерлериндеги арпа, картошка, тоют чөп зыянга учурады. Бул тууралуу аймактык кабарчы билдирди.

Айылдык кеңештин депутаты Бектурсун Намазбек уулунун айтымында, селдин кесепетинен бир сарай ураган.

«Селдин кесепетинен 40ка жакын дыйкан жабыр тартты. Зыянды адистер аныктап жатса керек. Мүмкүн болсо зыян тарткан дыйкандарга жардам берилсе жакшы болмок», — деди ал.