Turmush — Кара-Балта шаарында «Тойота Камри» үлгүсүндөгү унаанын айдоочусу жабылган темир жол өтмөгүнөн өтүп, аны дароо ЖКККБ кызматкерлери токтоткон.

Маалыматка ылайык, окуя 17-ноябрда саат 17:19да Кара-Балта шаарынын Кожомбердиев көчөсүндө болгон. Жол эрежесин бузган айдоочу Кара-Балта шаарынын 1990-жылы туулган тургуну болуп чыкты.

ЖКККБ кызматкерлери тыгында турушкан. Жол эрежесин бузган адамды көрүп, аны токтотуп, протокол түзүшкөн.

Бул айдоочуга Укук бузуулар кодексинин 192-беренесинин 1-бөлүмү («Жол кыймылынын башка эрежелерин бузуу») менен 1000 сом айып пул каралган.