Turmush — Бүгүн, 10-апрелде Ош облусунун аймактарындагы мечиттерде Орозо айт намазы окулду.

Айт намазга президенттин Ош облусундагы ыйгарым укуктуу өкүлү Элчибек Жантаев да катышты. Ал тургундарды Орозо айт майрамы менен куттуктады.

Орозо айы 11-мартта башталган. Бүгүн ал аяктап, Орозо айт майрамы белгиленип жатат.

Буга чейин Муфтият акыркы убакта дүйнөдө болуп жаткан кырдаалдарга байланыштуу айт намазы өлкөдөгү жума намазы окулган мечиттерде гана окуларын билдирген.