Turmush — Ош облусунун Кара-Кулжа районунда жөө жүргүнчүнү унаасы менен сүзүп, качып кеткен айдоочу кармалды. Бул тууралуу Ош облустук жол кыймылынын коопсуздугун камсыздоо бөлүмүнөн билдиришти.

Маалыматка караганда, кечээ, 9-апрелде саат 22:05 чамасында 1969-жылы туулган К.Э.ни белгисиз айдоочу автоунаасы менен сүзүп, окуя болгон жерден качып кеткен. Кырсыктын кесепетинен К.Э. алган жараатынан улам окуя болгон жерде көз жумган.

Бүгүн, 10-апрелде Ош облустук жол кыймылынын коопсуздугун камсыздоо бөлүмүнүн кызматкерлери тарабынан айдоочунун өздүгү аныкталып, кармалды. Айдоочу Т.Ж. «Honda HRV» унаасы менен жөө адамды сүзүп кеткен.