Turmush — Кемин шаарында 1 ай мурун жөө жүргүнчүлөрдү сүзүп кеткен айдоочу кармалды. Бул тууралуу Чүй ОИИББ боюнча ЖКККБнын басма сөз кызматы билдирди.

Маалыматка караганда, 18-февраль күнү болжол менен саат 01:00 чамаларында Кемин шаарынын Жибек-Жолу жана Абдубачаева көчөлөрүнүн кесилишинен белгисиз айдоочу ак түстөгү «Мерседес-Бенц» үлгүсүндөгү унаасы менен жөө келе жаткан 1982-жылы туулган А.М.А. жана 2020-жылы туулган Ж.А.Эны сүзүп, окуя болгон жерден белгисиз тарапка качып кеткен. Алар Кемин шаарынын ооруканасына кайрылышкан.

Ошо күндөн баштап айдоочусу изделип жаткан. 14-март күнү жол кырсыгына шектүү катары 1961-жылы туулган К.С.Д. атуу жаран кармалып, унаасы убактылуу кармоочу жайга токтотулду.