Turmush — Гүлчө айылдык кеңешинин төрагасы Космосбек Исмаилов депутаттык мандатынан ажыратылды.

Маалыматты БШКнын Алай, Чоң-Алай аймактык шайлоо комиссияларындагы атайын өкүлү Максат Алмазбек уулу ырастады.

Маалым болгондой, аймактык шайлоо комиссиясы Алай райондук сотунун 27-июлундагы айыптоо боюнча өкүмүнүн мыйзамдуу күчүнө киргендигинин негизинде 28-мартта мандатынан ажыратуу чечимин кабыл алган. Борбордук шайлоо комиссиясы 4-апрелдеги 30-токтомунда аймактык шайлоо комиссиясынын чечимин бекитип берген.

Космосбек Исмаиловдун ордуна кезекте турган Туйбаев Шерманбет Адышбаевич депутат болуп дайындалган.

Кыргыз Республикасынын Жогорку сотунун 2024-жылдын 19-мартындагы токтому менен Ош облусунун Алай райондук сотунун 2023-жылдын 27-июлундагы жана Ош облустук сотунун 2023-жылдын 14-ноябрындагы И.К.Т. тууралуу өкүмдөрү күчүндө калтырылган.