Turmush — Ош облусунун Кара-Кулжа районунда уурулукка шектелген жаран кармалды. Бул тууралуу облустук милициянын басма сөз кызматы билдирди.

Маалыматка караганда, 2023-жылдын 28-январь күнү Кара-Кулжа РИИБдин кылмыш иликтөө бөлүмүнүн кызматкерлери тарабынан жүргүзүлгөн ыкчам иш-чараларынын жыйынтыгында шектүү — Кара-Кулжа районунун буга чейин бир канча жолу соттолгон тургуну, 30 жаштагы А. уулу С. колго түштү.

Кара-Кулжа районунун 44 жаштагы тургуну Ш.К. 2023-жылдын 24-январында болжол менен саат 13:30 чамасында Кара-Кулжа айылында жайгашкан соода дүкөндөрдүн биринде турган сумканын ичинен 65000 сом акча каражатын, «Самсунг J7» үлгүсүндөгү уюлдук кол телефонун, 2 даана ID жарандык паспорту жана банк картасын белгисиз атуулдар уурдап кеткендигин билдирген.

Аталган факт Кара-Кулжа РИИБдин Кылмыштардын бирдиктүү реестрине катталып, Кылмыш-жаза кодексинин 205-беренесинин (уурдоо) негизинде кылмыш иши козголгон. Тергөө амалдары аяктап, соттук кароого жиберилди.