Turmush — Кечээ, 18-апрелде Жалал-Абад облусунун Кара-Көл шаарында бош жумуш орундарынын жармаңкеси өттү. Бул тууралуу шаардык эмгек, социалдык камсыздоо жана миграция башкармалыгынан билдиришти.

Маалыматка караганда, жармаңкеге, кесип тандоо, кесипке багыт берүү иш-чарасына шаардык мэриянын өкүлдөрү, мекеме-ишканалардын жетекчилер, тургундар жана 9-10-11-класстардын окуучулары катышты.

Шаар ичинен 82 жана жакынкы район-шаарлардан 28 бош жумуш оруну жарыя бурчуна илинди. Иш-чарага келген жумуш издөөчү жарандар өздөрүнө ылайыктуу жумуш карап, иш берүүчүлөр менен баарлашты.