Turmush — Кочкор айылында Апрель революциясынын 14 жылдыгына карата митинг-реквием өтүп, анда курман болгондор эскерилди. Бул тууралуу аймактык кабарчы билдирди.

Маалым болгондой, иш-чраага Апрель окуясынын катышуучулары, мекеме, ишканалардын жетекчилери жана тургундар катышты. Атайын орнотулган эстеликке гүлчамбар коюлуп, куран окулду. Апрель окуясында курман болгон ондогон адамдардын арасында Кочкор районунуна Баястанбек Дөөталиев, Төлөбек Эликбаев, Мисирбек Жолдошбек уулу, Замирбек Сапитов, Жолдошбек Кудайбергеновдор каза болгон. Жаракат алган Отор Абдрахманов да кийин көз жумган.