Turmush — Дайынсыз жоголгон Албина Жаңыбай кызы табылды. Бул тууралуу Ош ОИИБдин басма сөз кызматы билдирди.

Маалыматка караганда, Ош облустук ички иштер башкармалыгы тарабынан жүргүзүлгөн ыкчам издөө иш-чарасынын натыйжасында 2002-жылдын 22-июлунда төрөлгөн Жаңыбай кызы Албина Ош шаарынан табылды.

Ал 2024-жылдын 18-апрелинде Ош шаарындагы парктардын биринде жүргөн жеринен Өзгөн райондук ички иштер бөлүмүнө алынып келинип, апасы — Өзгөн районунун 1978-жылы туулган тургуну Э.М.га тапшырылды.

Буга чейин 2024-жылдын 13-апрелинде Өзгөн райондук ички иштер бөлүмүнө Өзгөн районунун 54 жаштагы Б.З. аттуу тургуну арыз менен кайрылган. Анда 2024-жылдын 4-апрелинде саат 19:00 чамасында келини — 2002-жылдын 22-июлунда төрөлгөн Жаңыбай кызы Албина үйүнөн чыгып кеткен бойдон дайынсыз болуп жаткандыгын билдирген.