Turmush — Ош облусунун Ноокат районунда сел жүрүп, көпүрөнү агызып кетти. Бул тууралуу ӨКМдин басма сөз кызматынан билдиришти.

Маалыматка караганда, кечээ, 6-май күнү саат 19:30 чамасында Ош облусунун Ноокат районунда жааган жамгырдын кесепетинен сел өтүүчү каналдын суусунун деңгээли көтөрүлүп, Кулатов айыл өкмөтүнүн Абшыр-Ата айылынан өтүүчү Дөдөн—Абшыр-Ата унаа жолунун 47-чакырымында жайгашкан көпүрөнүн бир жээгин жеп, 50-чакырымында жайгашкан көпүрөнү агызып кеткен.

Бекемдөө жана калыбына келтирүү иш-чараларын жүргүзүгө №37 ЖТИден 1 манипулятор, жергиликтүү айыл өкмөттөн 1 экскаватор тартылды. Аталган унаа жолдун 47-чакырымда жайгашкан көпүрөнүн желип кеткен жерине кум-шагыл төгүлүп, калыбына келтирүү иштери жүргүзүлүүдө.

Кошумча маалымат берилет.