Turmush — 23-24-25-март күндөрү Нарын шаарында өткөн «Кароосуз калгандар» профилактикалык иш-чарасы өттү.

Маалым болгондой, анда Нарын шаардык ички иштер бөлүмүнүн балдар иштери боюнча инспекторлору соода түйүн, интернет клуб жана жер төлөлөрдү текшеришти. Иш-чаранын алкагында базарда иштеп жаткан өспүрүмдөр аныкталып, алардын ата-энелерине түшүндүрүүлөр жүргүзүлдү. Кечки рейддер уюштурулуп, максатсыз көчөдө жүргөн өспүрүмдөр Нарын ШИИБге алынып келинип, ата-энелерине тил кат менен өткөрүлүп берилди.

Андан сырткары, атасы дайынсыз жоголуп, энеси спирт ичимдигин ичип, дайынсыз болуп жаткан, кароосуз калган 2 бала аныкталып, туугандарына тапшырылды. Аларга Нарын ШИИБ тарабынан материалдык жардам көрсөтүлдү.

Кечкисин тамактанууга жайда иштеген 4 өспүрүм аныкталып, кафе-ресторан ээлерине эскертүү берилип, Нарын шаардык прокуратурасына чара көрүү сунушу берилди.