Turmush — Чүй облусунун Жайыл районунда дайынсыз жоголгон Самудинова Адинай Эрбековна табылды. Бул тууралуу Чүй ОИИБдин басма сөз кызматы билдирди.

Маалыматка караганда, Жайыл РИИБге 2008-жылы 8-майда туулган А.Самудинованын ата-энеси кайрылып, кызын издөөгө көмөктөшүүнү суранган. Ал 2024-жылдын 2-апрелинде саат 10:00 чамасында Жайыл районунун Малтабар айылындагы мектептеп чыгып кеткен боюнча дайынсыз жоголгон.

Бул факт Жайыл РИИБге катталып, тергөөгө чейинки текшерүү иштери башталган. 2-апрель күнү ыкчам издөө иш-чараларынын жүрүшүндө Чүй ОИИБдин жана Жайыл РИИБдин кызматкерлери тарабынан дайынсыз жоголгон өспүрүм кыз Бишкек шаарынын Калыс-Ордо конушунда экени аныкталган. Ал Жайыл районуна алынып келип, ата-энесине өткөрүлүп берилди.

Буга чейин Turmush басылмасына өспүрүм кыздын апасы кайрылып, кызы дайынсыз жоголгонун билдирген.

Анын айтымында, кызы 2-апрель күнү саат 16:35 чамасында Кара-Балта шаарынан байланышкан. Андан кийин байланыша албай калган.