Turmush — Нарын облусунун Жумгал районунда 18-октябрда «Улуттук нарк — жан дүйнөнүн казынасы» аттуу кезектеги облустук семинар болуп өттү.

Иш-чара райондук жана айылдык китепканаларда болуп өттү.

Алгач №5 Чоң-Дөбө айылдык китепканасында «Тарыхы болбой эл болбойт, тамыры болбой жер болбойт» аталыштагы теманын алкагында өттү. Иш-чара мамлекеттик жана саясий ишмер Карыбек Тыналиевдин 90 жылдыгына карата уюштурулду.

Ошондой эле №7 Түгөл-Сай айылдык китепканасында «Ак таңдай акын Калык Акиевге 140 жыл» аталыштагы иш-чара өтсө, №14 А.Карасартова атындагы айылдык китепканасында «Каада салт — улуттун өзөгү» аталыштагы иш-чарасы өттү.

Андан тышкары Советбек Байгазиев атындагы борборлоштурулган китепканасында «Айтматов — улуттун даанышманы» аталышындагы иш-чарасы уюштурулду.

Райондо 1952-жылы балдар бөлүмү, 1977-жылы райондук китепкана уюшулуп, көчмө китепканалар иш алып барган. Китепканада 15 кызматкер иштейт, китеп фонду 241178 миңди түзөт. 2006-жылы профессор, жазуучу Советбек Байгазиевдин ысымы берилген. Ошондой эле, 18 айылдык китепкана иш алып барат.