Turmush — Жалал-Абад шаарында «Таза азык — ден соолук» аталышындагы айыл чарба көргөзмө-жармаңкеси өттү. Бул тууралуу Turmush басылмасынын кабарчысы билдирди.

Маалым болгондой, иш-чара органикалык жол менен өндүрүлгөн азыктарды сатуу, тамак-аш коопсуздугунун өнүгүүсүнө салым кошуу максатында уюштурулду. Жармаңкеге Базар-Коргон, Ноокен, Аксы, Ала-Бука райондорунун тургундарынын, өз ара жардамдашуу топтору өстүргөн жашылчанын түрлөрү, багбанчылык, биогумус өндүрүргөн жарандардын продукциялары коюлду.

Жармеңкеге келгендерди сүт багытындагы Заанен породасындагы эчки кызыктырды. Ошондой эле Ала-Бука районундагы дыйкан биогумус аркылуу бакчасында өстүргөн ашкабак көпчүлүктүн көңүлүн бурду. Ашкабактын салмагы 19 кг 63 граммды түзөт.