Turmush — Ысык-Көл облусунун Ак-Суу районуна караштуу Теплоключенка айыл өкмөтүнүн имаратындагы маалымат такталары бош калды. Бул тууралуу жергиликтүү тургундар аймактык кабарчыга билдиришти.

Маалыматка караганда, айыл өкмөттүн имаратындагы маалымат такталары бош турат. Ал жерге маалымдамалардын үлгүлөрү жана тийиштүү буйруктар тагылышы керек болчу. Премьер-министр Сооронбай Жээнбековдун 2016-жылы чыгарган жарлыгы да алмашкан эмес. Аны менен катар Теплоключенка айыл аймагынын депутаттар кеңешинин маалымат тактасындагы депутаттардын сүрөтүнүн жарымы жок экенин көрүүгө болот.