Turmush — Бүгүн, 29-мартта Токмок шаарына жакын жерде жол кырсыктын кесепетинен эки киши көз жумду. Бул тууралуу аймактык кабарчыга күбөлөр билдиришти.

Чүй ОИИББ боюнча ЖКККБнын басма сөз кызматынын маалыматына караганда, 2024-жылдын 29-мартында болжол менен саат 13:10 чамасында Бишкек—Нарын—Торугарт айланма унаа жолунун 54,800-чакырымында «Тойота Ипсум» үлгүсүндөгү унаа күн батыштан күн чыгышты көздөй бара жатып, жолдун оң жагында токтоп турган «DAF FT XF105.460» оор жүк ташуучу унааны сүзгөн.

Жол кырсыктын кесепетинен «Тойота Ипсум» унаасынын айдоочусу жана бир жүргүнчүсү көз жумган.

Азыркы учурда жол кырсыгы болгон жерде Ысык-Ата РИИБ жана ЖКККБнын кызматкерлери тиешелүү иштерди жүргүзүүдө.