Turmush — Чүй облусунун Сокулук районуна караштуу Военно-Антоновка айылындагы жолдун жээги таштанды жайга айланды. Бул тууралуу аймактык кабарчыга жергиликтүү тургундар билдиришти.

«Бул жер таштанды төгүүчү жерби же жөн гана талаабы, айтор ар кайсы жерден таштанды алып келип төгүп кетишет. Таштандылар көчөгө чейин, асфальт жолдун жээгине чейин чыгып кеткен. Көзөмөлгө алган бирөө барбы?», — деди тургундар.