Turmush — Кара-Балта капчыгайында Зинаиданын жоогазындары гүлдөгөнүн жергиликтүү тургундар билдирди.

«Тоо боорунда жоогазындар гүлдөптүр. Сары, ак, кызыл түстөгү гүлдөр жазгы шамалда термелип турушат», — деп белгилешти алар.

Биолог Ирина Стежко төмөнкүлөрдү түшүндүрдү:

«Зинаиданын жоогазындары өзгөчө гүлдөр. Алар бүт өмүрүн Борбордук Азиянын флорасын изилдөөгө жана сактоого арнаган советтик биолог жана ботаник Зинаида Бочанцеванын (1907-1973) урматына аталган.

Зинаиданын жоогазындары Кыргызстандагы эң кооз гүлдөрдүн бири. Бул жоогазындар тар эндемикалык түр болуп саналат. Ал Кыргыз кырка тоолорунда гана кездешет. Ошондуктан Кызыл китепке кирген».