Turmush — Ош облусунун Кара-Суу районунда тоноочулукка шектелген жаран 2 айга камакка алынды. Бул тууралуу ОИИБдин басма сөз кызматы билдирди.

Маалыматка караганда, шектүүнүн баш коргоо чарасы 28-октябрда Кара-Суу райондук сотунда каралды.

Буга чейин маалымдалгандай, 2022-жылы 23-октябрга караган түнү саат 02:00 чамасында белгисиз адамдар жабырлануучу — Кара-Суу районунун 52 жаштагы тургуну А.Т.нын үйүнө кирип, коркутуп, уруп, бөлмөсүнөн 47 000 сом акчасын алып, окуя болгон жерден качып кеткендиги боюнча арыз келип түшкөн.

26-октябрда Кара-Суу райондук ички иштер бөлүмүнүн кылмыш иликтөө бөлүмчөсүнүн кызматкерлери тарабынан жүргүзүлгөн ыкчам иликтөө иш-чараларынын жыйынтыгында шектүүнүн өзүдүгү аныкталган. Шектүү — Ноокат районунун 29 жаштагы тургуну Ж.уулу Д. Ош шаарынан кармалып, убактылуу кармоочу жайына киргизилген.

Аталган факты Кара-Суу РИИБдин Кылмыштардын бирдиктүү реестрине катталып, Кылмыш-жаза кодексинин 207-беренесинин (каракчылык) негизинде кылмыш иши козголгон.

Учурда тергөө амалдары уланууда.