Turmush — Оор кылмыштарга шектелип, издөөдө жүргөн жарандар кармалды. Бул тууралуу Ош ОИИБдин басма сөз кызматы билдирди.

Ош облустук ички иштер башкармалыгынын кызматкерлери тарабынан жүргүзүлгөн ыкчам издөө иш-чараларынын натыйжасында оор кылмыштарга шектелип, издөөдө жүргөн жарандар кармалышты.

Алар Кылмыш-жаза кодексинин 170-беренесинин (опузалап талап кылуу) негизинде козголгон кылмыш иши боюнча шектүү катары 2015-жылдан бери издөөдө жүргөн Баткен облусунун 1983-жылы туулган Б.С. аттуу тургуну Россия Федерациясынан, ал эми Кыргыз Республикасынын Кылмыш-жаза кодексинин 130-беренесинин (ден соолукка оор залал келтирүү) негизинде козголгон кылмыш иши боюнча шектүү катары 2021-жылдан бери издөөдө жүргөн Ноокат районунун 1992-жылы туулган Н.Б.аттуу тургуну Казакстан Республикасынан кармалышып, өлкө аймагына жеткирилди.

Учурда тергөө амалдары уланууда.