Turmush — Бүгүн, 28-майда Ош шаарында айымдар жана мырзалар арасында дзюдо боюнча мелдеш башталды. Бул тууралуу мэриядан кабарлашты.

Маалыматка караганда, анын ачылышына Дзюдо боюнча улуттук федерациянын президенти Жолдошбек Көлбаев баш болгон жетекчилер катышты. Таймашка өлкөнүн бардык аймактарынан келген 150 спортчу катышып жатат. 2 күнгө созула турчу мелдеш 14 салмак категорияда уюштурулду.

Турнирдин калысы Таалайбек Сатиевдин айтымында, мелдеште 1-2-орундарды алган спортчуларга спорт чебери деген наам берилет.