Turmush — Бүгүн, 1-сентябрь күнү Кара-Буура районундагы Көк-Дөбө айылындагы Ашымбек Шыйкымбаев атындагы орто мектебинин жаңы имаратынын ачылыш аземи өттү.

Маалым болгондой, иш-чарага тургундар, мектеп мугалимдери, окуучулар катышты. Имараттын курулушу 2013-жылы республикалык бюджеттин эсебинен 68 млн сом каржыланып баштаган. 2020-жылы январь айында окуу корпусу пайдаланууга берилген. 2021-жылы октябрь айында спорт залы жана спорт аянтчасы курулган. Мектепте 15 мугалим балдарга билим берип келет. Жалпы окуучулардын саны 184 окуучу. Мектеп көмүр менен жылытылат. 1-4-класска чейинки балдарга ыссык тамак уюштурулган.