Turmush — Бишкек—Ош унаа жолундагы кырсыктан каза болгон аял кишинин өздүгү аныкталды. Кырсык 19-ноябрда Кара-Көл шаарынын Капчыгай тилкесинде болгон.

Маркум Баткен облусунун Айдаркен шаарынын 1951-жылы туулган тургуну Г.М. экени такталды.

Буга чейин Turmush 19-ноябрь күнү саат 10:00 чамасында Бишкек—Ош унаа жолунун 374-чакырымында Баткен облусунун Кадамжай районунун 1968-жылы туулган тургуну А.Ж.нын башкаруусундагы «Форд Транзит» үлгүсүндөгү унаа менен Ош облусунун Кара-Суу районунун 1992-жылы туулган тургуну Н.А.нын башкаруусундагы «Скания Р-420» үлгүсүндөгү унаа кагышканын жазган.

Кырсыктын кесепетинен «Форд» унаасынын жүргүнчүлөрү каза болгон.

Алар:

— 1972-жылы туулган Кадамжай районунун тургуну Г.Г.

— 1994-жылы туулган М.уулу Р.

— 1967-жылы туулган Ш.С.

— 1972-жылы туулган С.И.

— 1968-жылы туулган айдоочу А.Ж. Кара-Көл шаардык ооруканасына жеткирилип, эсине келбей каза болгон.

Ал эми алтынчы маркумдун өздүгү тактала элек болчу.

Ошол эле унаанын жүргүнчүлөрү — 2003-жылы туулган С.А., 1993-жылы туулган А.уулу М. жана Өзбекстандын Фергана облусунун 1995-жылы туулган тургуну Н.К. шаардык оорукананын хирургия бөлүмүнө жеткирилген.

Кийинчерээк Ош—Бишкек жолунда жол кырсыгына кабылган унаанын ичинен акча табылган. Кененирээк бул жерден окуңуз.