Turmush — 7 жаштагы Амина Шергалиева шахмат боюнча Кыргызстандын чемпиону болду.

Бишкек шаарында 23-29-март күндөрү мектеп окуучулары арасында шахмат боюнча Кыргызстандын биринчилиги өттү. Ага өлкөнүн бардык аймактарынан жаш шахматчылар катышты. Жалпы 548 жаш шахматчы катышып, 5-7-9-11-13-14-17 жаштагы категорияларга бөлүнүп ойношту.

Жети жаштагы кыздар арасында өткөн мелдеште Амина Шергалиева 9 упайдан 8,5 упайга ээ болду. Ал 2023-2024-жылдын мыкты спортчусу аталды. Ал эми Таиландда өтө турган мелдешке даярданат.

Амина Шергалиева Нарын облусунун Кочкор районунда төрөлгөн.