Turmush — Чүй облусунун Жайыл районундагы жашылча базарларында коон, калемпир, помидордун баасы арзандады, деп билдирет аймактык кабарчы.

Бүгүнкү күндө 100 сомго төрт кичинекей дарбыз сатып алса болот.

Быйыл облуста жашылча жана мөмө-жемиштердин түшүмү жакшы болгону менен сезон аяктап, дыйкандар бааларды арзандатышты. Алтургай айрымдары талаадагы дарбыздарды акысыз алып кетүүгө чакырып жатышат.

Учурда коондун даанасы 20-40 сомдон сатылууда.

Таттуу калемпирдин килограммы 50 сомдон 30 сомго арзандады.

Панфилов районунда помидордун түшүмү жакшы болуп, килограммы 40 сомдон 25 сомго чейин арзандады.