Turmush — Бүгүн, 20-февралда саат 11:55 чамасында Баткен шаарынын Базар-Башы кварталында үй өрттөнүп, 1 жаштагы бала каза болду. Бул тууралуу ӨКМден кабарлашты.

Маалыматка караганда, ал жерге куткаруучулар барып, жалын саат 13:37де толугу менен өчүрүлдү. Жалпы аянты 44,5 чарчы метрге жеткен өрттүн кесепетинен 3 эшик, 1 жылыткыч, 8 тосун, 10 айырмач (страпила), 20 гипсокартон, 8 шифер чыгым күйүп, 2023-жылы туулган А.Н. аттуу наристе каза болду.

Учурда өрттүн келип чыгуу себеби такталууда.