Turmush — Талас облусунун Бакай-Ата районуна караштуу Түйтө айылында эркек адамдын жансыз денеси табылды. Бул тууралуу Turmush басылмасынын кабарчысына күбөлөр билдирди.

Алардын айтымында, жансыз дене түшкө маал сугат суу сактоочу жайдан (БСР) табылган.

«Бул суу сактоочу жайга Талас суусунан суу агып келип, сугат үчүн топтолот. Кечээ түндө, бүгүн эртең менен сууну ачканда жок болгон экен. Биздин оюбузча бул жакка агып келген. Каза болгонуна бир аптадай болуп калган деп айтышты. Сөөктү Бакай-Ата райондук ички иштер бөлүмүнүн кызматкерлери алып кетишти», — деди күбөлөр.