Turmush — Ысык-Көлдө дайынсыз болуп жаткан россиялык жарандар табылды, деп билдирди ӨКМдин басма сөз кызматы.

Маалым болгондой, куткаруучуларга кечээ, 15-октябрда Чолпон-Ата шаарынын күн батыш тарабында жайгашкан Арал капчыгайына эс алууга чыгышкан Россиянын 2 жараны дайынсыз жоголгондугу тууралуу маалымат түшкөн.

Аларды издөөгө чыгышкан Ысык-Көл райондук №31 ӨКБдан 3 куткаруучусу аталган адамдар менен байланышка чыгышкан.

Россиянын жарандары куткаруучулар менен биргеликте тоодон аман-эсен түшүп келишти.