Turmush — Кыргыз-тажик чек арасындагы куралдуу жаңжалда Канатбеков Агадил Канатбекович курман болду. Бул тууралуу аймактык кабарчы билдирди.

Агадил Канатбеков 1999-жылы 14-июлда Ысык-Көл облусунун Жети-Өгүз районуна караштуу Тосор айылында жарык дүйнөгө келген. Үй-бүлөдө 5 бир туугандын төртүнчүсү болгон.

Ал 2013-жылы мектепте 9-классты бүтүрүп, ушул эле жылы политехникалык колледжге тапшырган. Окууну 2018-жылы ийгиликтүү аяктаган соң Бишкек шаарындагы Кыргыз Республикасынын Улуттук гвардиясында кызмат өтөгөн. Ал эми 2022-жылдын апрель айында Беткен чек арасына кызмат өтөгөнү кеткен.