Turmush — Мындан бир жума мурун Кара-Суу районунун Озгур айылындагы Даңги суусунун жээгинен жергиликтүү тургун Медербек Аккулов мал айдап жүрүп, жер астынан кумура көрүп калган. Жааган жамгырдан улам жер бир аз сүрүлүп, кумура көрүнгөндүктөн өз алдынча казып көргөн.

Жерине музей директорунун милдетин аткаруучу Х.Ибайдуллаев, ОшМУнун Кыргызстан тарыхы жана археология, этнология кафедрасынын башчысы Талант Шаанов жана Тавакал Усманов чогуу барышып, кумураны көрүп келишти.

Кумуранын бийиктиги 1,20-1,30 см, диаметри 80-85 см. Табылганын сырты тегиз, жасалган эмес. Айланасынан да кумуранын калдыктары чыккандыктан ал жер устакана болушу мүмкүн деп болжолдонууда. Ошондой эле ал кумурага дан же суу сакталышы мүмкүн.