Turmush — Ош шаарындагы колледждин студенти — 17 жаштагы өспүрүм каза болду. Бул тууралуу Turmush басылмасына өздүк булактар билдирди.

Алдын ала маалымат боюнча, өспүрүм 18-октябрь күнү Ош шаарындагы ооруканалардын бирине жеткирилген. Ал күнү достору менен өзү окуган окуу жайда сүйлөшүп отуруп жыгылып түшкөн. Окуянын күбөлөрү студентти жакынкы ооруканага жеткирген. Бирок ал каза болуп калганы аныкталган.

Ал эми Ош ШИИБдин басма сөз кызматынын маалыматы боюнча, маркум баланын жакындары арыз-доосу жок экендигин айтып, соттук-медициналык экспертизадан өткөрүүдөн баш тартты.