Turmush — Чүй облусунун Кара-Балта шаарында «Лексус» үлгүсүндөгү унаанын айдоочусу жол чырактын кызыл белгисине өтүп кеткенин окуянын күбөсү Turmush басылмасынын кабарчысына билдирди.

Анын айтымында, бул көрүнүш бүгүн, 12-сентябрь күнү Кожомбердиев көчөсүндө болгон.

«Көптөгөн айдоочулар бул жол чыракка токтоонун кереги жок деп эсептешет. Аларды башка айдоочулардын ачуу тажрыйбасы үйрөтпөгөндөй. Маселен, үстүбүздөгү жылдын май айында аталган тилкеде жөө адамдар өтүүчү жерден жолдон өтүп бара жаткан карыяны унаа сүзүп кеткен. Бир нече убакыт өткөндөн кийин, ал каза болду», — деди окуянын күбөсү.