Turmush — Баткен районунун Кыштут айылында Кыштут орто мектебинин 150 орундуу жаңы имараты жаңы окуу жылында пайдаланууга берилет, деп билдирди аймактык кабарчы.

Маалым болгондой, курулуш иштери өткөн жылдын август айында башталган.

Долбоордук баасы 68 млн сомдон ашык, каражат мамлекеттик бюджеттен бөлүнгөн.

• Кыштут орто мектебинин эски имараты ашар жолу менен 1928-жылы курулган. 1949-жылы, андан кийин 1968-жылы оңдолуп курулган. Ал эми 1985-жылы 10 жылдык орто мектеп болуп ачылган. Мектеп 150 окуучуга ылайыкташтырылган. Учурда 195 окуучу билим алат.