Turmush — Ысык-Көл облусунун Жети-Өгүз районуна караштуу Конкин айылынын тургуну Ислам Алапаев таяк тартыш боюнча Азия чемпиону болду. Бул тууралуу аймактык кабарчы билдирди.

Маалыматка караганда, 4-6-ноябрь күндөрү Өзбекстанда 17 жашка чейинки өспүрүмдөр арасында таяк тартыш боюнча Азия чемпионаты өткөрүлдү. Бир катар спорт чеберлери катышкан бул мелдеште Ислам атаандаштарынан озуп чыгып, 1-орунду багындырды. Ал буга чейин да көптөгөн турнирлерде мыкты көрсөткүчтөргө жетишүүгө үлгүргөн.