Turmush — Жалал-Абад облусунда бир жылда төрөттөн 6 эне көз жумду. Бул тууралуу 2022-жылдын жыйынтыгы чыгарылган коллегияда маалымдалды.

Маалыматка караганда, Токтогул районунда 2, Ноокен районунда 1, облустук төрөт үйүндө 3 эненин өлүмү катталган.

Өлүмдүн себептери:

— преэклампсиянын оор түрүнөн 1 учур;

— сепсистен 1 учур;

— кан кетүүдөн 1 учур;

— жүрөктүн кемтик оорусунан 1 учур;

— өпкө артериясынын тромбоэмболиясынан 2 учур.

Ар бир эненин өлүмү райондук жана облустук саламаттыкты сактоо маселелери боюнча координациялык комиссиянын, облустук штабдын отурумдарында талкууга алынып, кемчилик кетирген адистерге тиешелүү дисциплинардык чара колдонулган. Эненин өлүмүнүн алдын алуу боюнча иш-аракеттерди алып баруу райондук мамлекеттик администрацияларга, шаардык мэрияларга жана саламаттыкты сактоо тармагынын жетекчилерине милдеттендирилди.