Turmush — Ысык-Көлдө 8-март — Аялдардын эл аралык майрамына карата жол кырсыктарын алдын алуу максатындагы рейддик иш-чаралар күчөтүлгөн тартипте уюштурулат. Бул тууралуу облустук жол кыймылынын коопсуздугун камсыздоо бөлүмүнөн билдиришти.

Облус аймагында майрамдык иш-чараларда мас абалында автоунаа башкарып, жол эрежелерин одоно бузган айдоочуларга мыйзамдуу чараларды көрүүгө багыттталган иштер күчөтүлгөн тартипте жүргүзүлөт.

ЖКККБ жалпы айдоочулардан 8-март күндөгү майрамдык иш-чаралар учурунда аймактарда автоунаалардын, жөө жүргүнчүлөрдүн саны кескин түрдө өсүп кетерин эске алуу менен жолдо жүрүү учурунда эрежелерди так сактоолорун суранат.